Në Kodrën e Diellit në Tetovës sot u përurua rruga e vilave, një investim i komunës së Tetovës. Rruga e asfaltuar nis nga pista e skijimit deri tek vikend-shtëpizat.
Ky është fillimi, po e nisim me rrugën e vikend- shtëpizave për të vazhduar edhe me planin detal urbanistik, ndërtimin e qarkores për Kodrën e Diellit si dhe ndërtimin e parkingjeve. Sado që pushteti të na bllokojë, sado që pushteti dëshiron të inskenojë raste për përçarje, sado që pushteti dëshiron ta degradojë Kodrën e Diellit në mënyra të ndryshme ne nuk do ta lejojmë. Aseti i çmueshëm do t’ju kthehet qytetarëve!
Nga këtu dëshiroj të jap një porosi. Ata që nuk dëshirojnë t’i shohin investimet të cilat i bëjmë ne, ata i shohin shkaqet sesi të na kritikojnë për gjërat të cilat nuk janë përgjegjësi e jona! Ata e shkatërruan me dekada, ne po investojmë në infrastrukturën e Kodrës”, theksoi kreu i komunës së Tetovës, Bilall Kasami.
Sipas njëshit të Tetovës, me pjesën tjetër të asfaltimit të rrugës do të vazhdohet në pranverë, duke ia bashkangjitur infrastrukturën nëntokësore. Pritet të ndërtohet edhe rrjeti i kanalizimit dhe stacionit filtrues të ujërave të zeza.
