Bullgaria reagon dhunshëm, sillet si shtet i fuqishëm dhe ndërhyn në punët e brendshme të një shteti sovran si Maqedonia, thotë ish-kryetari i PRSD-së, Tito Petkovski, duke komentuar marrëdhëniet mes Maqedonisë dhe Bullgarisë. Ai e vlerëson veprimin e Bullgarisë në rastin e Hristijan Pendikov si të dhunshëm dhe të pacipë.
“Një veprim i pacipë dhe i dhunshëm i presidentit të Bullgarisë dhe Qeverisë bullgare për një shtetas maqedonas që u rrah në Maqedoni, u dërgua një aeroplan special për ta trajtuar atje, që është precedent në marrëdhëniet ndërkombëtare. Bullgaria humbi shumë në sytë e opinionit ndërkombëtar me atë lëvizje”, tha Petkovski.
Ai thekson se Bullgaria është në një gjendje shumë të keqe dhe se ekziston rreziku për pezullimin e anëtarësimit të këtij vendi në Këshillin e Evropës. “Bullgaria po reagon në panik, po e humb tokën nën këmbë, sepse nuk mund ta fitojë Maqedoninë”, tha Petkovski, duke shtuar se politika e saj në marrëdhëniet me shtetin duhet të ndryshojë.
