Kryetari i sapozgjedhur i Komisionit për Sëmundje Infektive, Aleksadar Petliçkovski në konferencën e sotme për shtyp theksoi se incidenca e infektimeve tek grupmosha 12 deri 18 vjet është e vogël dhe si rrjedhojë mësimi mund të vazhdojë me prezencë fizike, përcjell TV21.
“Skriningu i mëparshëm tregoi me cilën përqindje zhvillohet infeksioni në shkollat e mesme dhe fillore, në këtë kahje do të jetë edhe ky aksion. Edhe në përqindjen e numrave javorë shohim se në popullatë 12-18 vjet ka shumë incidencë të vogël, kjo na jep të drejtën që të rekomandojmë mësimin me prezencë fizike”, tha Petliçkovski.
