Qeveria e Maqedonisë muaj më parë ka konstatuar propozimin që Petrit Musliu të emërohet konsull i përgjithshëm në Çikago të SHBA-ve.
Kjo bëhet e ditur nga portali MKD.mk, pas lajmit të djeshëm se Qeveria me propozim të MPJ ka vërtetuar propozimin që prezantuesja 28 vjeçare, Besmira Ejupi të dërgohet konsulle e përgjithshme në Nju Jork, përcjell INA.
Sipas portalit maqedonas, Petrit Musliu është djali i analistit Albert Musliu dhe se propozimi i tij ka kaluar disa muaj më parë, por larg vëmendjes së mediave.
Musliu siç thuhet tashmë ka disa javë që gjendet në Çikago. Ai nuk është diplomat karriere dhe nuk është pjesë e stafit të MPJ, por gjithashtu nuk ka as edhe ndonjë karrierë publike. Pasi që sipas ligjit të MPJ, në këto misione diplomatike dërgohen ambasadorë dhe konsuj nga jashtë, por që janë figura publike dhe personalitete të shquara në politikën e jashtme dhe marrëdhëniet ndërkombëtare. (INA)
