Petrovska dënon invazionin rus në Ukrainë, bën thirrje për integrimin e RMV-së në BE

Iliria News Agency
Iliria News Agency

07/03/2022

“E dënojmë plotësisht invazionin rus në Ukrainë. Maqedonia e Veriut, së bashku me aleatët e NATO-s, e mbështet fuqimisht sovranitetin dhe integritetin territorial të Ukrainës dhe sulmi nga Rusia është shkelje e ligjit ndërkombëtar dhe të drejtave të njeriut në Ukrainë”, deklaroi ministrja e mbrojtjes Slavjanka Petrovska në tryezën e sotme të rrumbullakët në Institutin mbretëror RUSI (The Royal United Services Institute në Londër, Mbretëri e Bashkuar, me temë “Kërcënimet bashkëkohore të sigurisë dhe ndikimi i tyre në Ballkanin Perëndimor”.

Siç kumtoi Ministria e Mbrojtjes, Petrovska theksoi se lista e kërcënimeve të sigurisë sot është vërtet e gjerë me theks të shtuar në kërcënimet kibernetike dhe hibride. NATO – Aleanca, tha ajo, është e bashkuar dhe punon së bashku për të përballuar të gjitha kërcënimet e sigurisë.

“NATO ka një përgjigje të qartë ndaj të gjitha kërcënimeve të sigurisë – ne e rrisim gatishmërinë tonë për mbrojtje dhe parandalim dhe mbështesim përpjekjet ndërkombëtare për stabilitet dhe siguri në nivel global”, tha Petrovska.

Sipas Petrovskës, në këtë situatë të sigurisë në Evropë, rëndësia e anëtarësimit të Maqedonisë së Veriut në NATO është mjaft e qartë.

“Si politikanë duhet të kemi një pasqyrë të qartë që do të nënkuptojë hapat që po hedhim për të ardhmen e vendit. Sot është e qartë se sa i rëndësishëm është anëtarësimi i Maqedonisë së Veriut në NATO për sigurinë e qytetarëve dhe çfarë rëndësie kanë hapat e Qeverisë për realizimin e këtij qëllimi strategjik”, tha Petrovska.

Ministrja shtoi se në këtë drejtim është veçanërisht e rëndësishme që të përshpejtohet procesi i integrimit të Maqedonisë së Veriut në BE sepse integrimi ka një element serioz të sigurisë.

“Në një moment të tillë sfidash të sigurisë është e nevojshme një perspektivë e qartë integruese e Ballkanit Perëndimor në BE dhe hapja e rrugës për negociatat e Maqedonisë së Veriut, e cila do të jetë një sinjal i fortë për sigurinë e rajonit”, theksoi ministrja e Mbrotjes.

Petrovska informoi se Maqedonia e Veriut, duke i angazhuar të gjitha institucionet e nevojshme dhe Qeverinë në tetor të vitit 2021 e miratoi Strategjinë për ndërtimin e qëndrueshmërisë dhe përballjen me kërcënimet hibride dhe se ka vendosur bashkëpunim të ngushtë me NATO-n dhe Bashkimin Evropian në këtë fushë.

Në tryezë mori pjesë edhe Xhonatan EJal, drejtor ndërkombëtar i RUSI, i cili tha se bota dhe veçanërisht Evropa po përballet me një krizë sigurie të paprecedentë në historinë e fundit të kontinentit dhe se arsyeja dhe ndërhyrja ushtarake duhet të zëvendësohen me bisedime dhe dialog të ndershëm. Ai, siç qëndron në kumtesën e MB-së, e përshëndeti qëndrimin e Maqedonisë së Veriut në dënimin e veprimeve ushtarake në Ukrainë në linjën e aleatëve, si dhe nevojën për përshpejtimin e procesit të integrimit të Maqedonisë së Veriut në BE.

Instituti mbretëror RUSI është organizatë tink-tenk e pavarur e fokusuar në fushën e mbrojtjes. Instituti u krijua në 1831 dhe për gati dy shekuj ka qenë një platformë për diskutim dhe analizë të tendencave botërore të mbrojtjes dhe sigurisë.

TË FUNDIT

ME TE LEXUARA

LEXO MË SHUMË

KSHZ-Komisioni

Akreditohen 942 vëzhgues, gazetarë dhe përkthyes të huaj për zgjedhjet presidenciale

DASH departamenti amerikan

Korrupsioni i rëndë qeveritar dhe dhuna ndaj gazetarëve – raport i DASH për Maqedoninë e Veriut

pasaporta dokumente personale

Dhe në ditën e votimit, qytetarët e Shkupit do të mund të marrin dokumentet e tyre personale

zgjedhje maqedoni

Zgjedhjet presidenciale, të drejtë vote kanë 1.814.317 qytetarë

pompa-benzines-derivatet-naftes

Nga mesnata këto janë çmimet e derivateve të naftës

inbound9208091233378029311

Mexhiti: Zullumi është trashë, do të këputet kësaj rradhe

vjosa osmani okb grate e dhunuara

OKB-ja tentoi të bllokojë pjesëmarrjen e grave të mbijetuara gjatë luftës, Osmani refuzoi të merrte pjesë pa to

izet

Mexhiti: Zullumi është trashë, do të këputet kësaj rradhe

gashi

Gashi: Taravari, kandidati i vetëm që përfaqëson shqiptarët

INFO

NA NDIQ