“Asgjë drastike nuk do të ndryshojë, edhe pse thelbi i dyshes BDI – LSDM ishte rritja e shumicës parlamentare dhe sigurimi i komoditetit në miratimin e ligjeve”, theksoi Brane Petrushevski, deputet nga radhët e VMRO-DPMNE-së në emisionin e mëngjesit në radio “Lider”.
Petrushevski shtoi se matematika e qeverisë, të cilën ai e kishte planifikuar me hyrjen e Aleancës për Shqiptarët në qeveri, nuk po i shkon.
“Atyre nuk u ka dalë kalkulimi i qeverisë. Nuk iu ka dalë kalkulimi i bërë në shtëpi, Alternativa me 3 deputetë, Pavle Trajanov një deputet, tashmë janë katër, dhe ka edhe një njoftim nga “Grupi i Zjarrit” që janë të paktën tre deputetë, dhe tashmë janë shtatë deputetë që nuk e mbështesin këtë Qeveri. Por ka edhe njoftime për disa të tjera, do të shohim nëse do të inkurajohen dhe a do t’i rezistojnë presioneve të pushtetit për të dalë nga Qeveria”, tha Petrushevski.(INA)
