Plaçkitet Xhamia e Larme në Tetovë

Policia e Maqedonisë njofton se dje është kryer vjedhje në Xhaminë e Larme në Tetovë.

“Vjedhësit kanë hapur me forcë derën hyrëse, janë futur brenda dhe nga kutia për bamirësi kanë marrë rreth 500 denarë, 5 euro dhe 5 lira turke dhe janë larguar në drejtim të panjohur”, thonë nga policia.

Nga policia shtojnë se hetim në vendin e ngjarjes ka kryer ekipi i SPB Tetovë dhe po ndërmarrin masa për zbardhjen e rastit.

Në ndërkohë nga policia njoftojnë se tentim për vjedhje ka pasur edhe në Xhaminë e Rinisë e cila gjendet në rrugën “176” në Tetovë, mirëpo për shkak të aktivizimit të alarmit, vjedhësit janë larguar dhe nuk kanë shkaktuar dëme.