Plani i Fatmir Limajt me Sami Lushtakun – Luftë fraksionesh në PDK?

Picture of Iliria News Agency
Iliria News Agency

18/01/2023

Pasi dështoi që ta kalojë pragun zgjedhor prej 5% në zgjedhjet e kaluara, lideri i Nismës Socialdemokrate, Fatmir Limaj po synon që të rikthehet në ish shtëpinë e tij, PDK.

Së fundi, Limaj është shfaqur në shoqërinë e vazhdueshme të Sami Lushtakut, njeriu i cili kishte thënë se Fatmir Limaj duhet të rikthehet në PDK.

Fillimisht Limaj u shfaq në një darkë në Kleçkë me Lushtakun dhe eksponentë të tjerë të PDK-së, darkë në të cilën nuk kishte assesi se si të mungonte mishi e luksi, ajo që i ka karakterizuar për gjithë këto vite Limajn e Lushtakun.

E vetëm pak ditë pas kësaj darke, Limaj me Lushtakun e të tjerët u shfaqën nga shtëpia e deputetit të PDK-së, Ardian Kastratit. Por, kësaj radhe pa mish e luks.

“Sonte në shtëpinë time mirëprita disa nga personalitetet kryesore të UÇK-së të cilëve historia ju dha një rol sakrifikues në luftën tonë çlirimtare. UÇK-ja NA BASHKON! Mbi këtë bashkim Kosova i korri dy sukseset më të shënuara në histori: ÇLIRIMIN nga Serbia dhe PAVARËSINË. Mbi këtë bashkim të gjitha gjeneratat e reja në politikë e kanë më të lehtë për të krijuar platforma politike, të cilat do të prodhojnë perspektiva zhvillimore për ekonominë dhe mirëqenien sociale të këtij vendi. UÇK NA BASHKON!”, shkroi në faqen e tij në Fb deputeti i PDK-së, Ardian Kastrati, duke dërguar një mesazh të qartë, për bashkimin e sërishëm me Limajn.

Por jo të gjithë në PDK po e mirëpresin këtë ide, madje duke e kundërshtuar hapur rikthimin e Limajt. Njëri nga këta, që nuk e dëshiron rikthimin e LImajt, është kryetari i Komunës së Drenasit, Ramiz Lladrovci, ai i cili ka thënë se është kundër kthimit të atyre që i kanë sharë dhe fyer figurat historike të PDK-së.

“Jo, unë e them JO, me plotë gojën, për njerëzit, të cilët vetëm për parime s’u larguan nga PDK-ja. Për ta nuk duhet të ketë vend PDK-ja, për njerëz të cilët s’lanë fjalë të zezë pa thënë e pa bërë kundër PDK-së, për figurat e saj historike, historike jo vetëm për PDK-në, por edhe për Kosovën, më së paku e kanë vendin në PDK. PDK-ja është parti e madhe, e vlerave të mëdha, e punëve të mëdha, në etapat më të rëndësishme të rrugëtimit tonë, nga çlirimi, proceset negociatore, të cilat kulmuan me Shpalljen e Pavarësisë, pastaj edhe etapa pas Pavarësisë. Arritje, të cilat mbajnë vulën e Partisë Demokratike të Kosovës dhe të personaliteteve drejtuese të saj, z. Thaçi e z. Veseli. PDK-ja, ka lidership, ka kombinimin e mirë të traditës të gërshetuar me modernen, ka figura të jashtëzakonshme, të cilët kudo ku kanë qenë dhe çfarëdo përgjegjësie (të rëndësishme) që kanë pasur, kanë shkëlqyer”, ka thënë ndër të tjera Lladrovci.

Luftë mes fraksionesh

E gjithë këtë, analisti politik Faton Mehmeti e sheh si luftë mes fraksioneve në PDK.

“Ka kohë që brenda PDK-së janë disa fraksione në tentativa për të marr drejtimin e partisë. Lushtaku është në konflikt të hapur me fraksionin e Memlit dhe Vlora Çitakut, pavarësisht se nuk dallojnë nga mendësia. Samiu po përdor edhe disa të larguar nga PDK-ja për të fituar fuqi më të madhe në tentativa për të qenë protagonist në drejtimin e partisë”, thotë Mehmeti për “Bota sot”.

Sipas tij, pjesë e grupit të Lushtakut është edhe Adem Grabovci dhe Xhavit Haliti.

“Sami Lushtaku pas vetes ka edhe Adem Grabovcin, Xhavit Halitin dhe tërë kupolën e klanit “Pronto”. Po zihet diçka e fortë brenda PDK-së, kësaj partie që po shkon në ndarjen e padiskutueshme”, shprehet Mehmeti.

Më tej, ai thekson se pavarësisht se kush e merr udhëheqjen e PDK-së, nuk pritet asgjë pozitive nga PDK-ja.

“PDK-ja është parti e krimit dhe korrupsionit dhe si e tillë s’ka si të ketë diçka pozitive nga ajo, pavarësisht kush e merr drejtimin e saj. Të dyja klanet brenda saj nuk dallojnë nga njëra tjetra, synimi i tyre është udhëheqja e partisë dhe potencialisht zhvatja e vendit nëse vijnë në pushtet”, deklaron Faton Mehmeti.

Rikthimi përmes Sami Lushtakut

Për analistin tjetër Nexhat Haziri, rikthimin në PDK Fatmir Limaj po e synon përmes Sami Lushtakut.

“Lëvizjet e fundit të Fatmir Limajt dhe takimet me eksponent të fuqishëm të PDK-së, siç është Sami Lushtaku, Adem Grabovci dhe të tjerët që cilësohen si grada e vjetër në këtë parti, është më së e qartë që nxjerrin në pah tentimin e Fatmir Limajt për t’u rikthyer në PDK. Thënë sinqerisht një rikthim eventual i Limajt në PDK duke e marr lidershipin do t’i jepte një dinamikë tjetër kësaj partie politike dhe një rol më aktiv opozitar në krahasim me lidershipin aktual në krye me Memli Krasniqin, udhëheqja e së cilit po tregohet shumë inerte dhe pa vizion për t’ia kthyer PDK-së fuqinë e dikurshme politike që kishte në skenën politike kosovare, apo që PDK-ja të jetë parti garuese për pushtet”, nënvizon Haziri.

Sipas Hazirit, kryetari aktual i PDK-së, Memli Krasmiqi, nuk e ka mbështetjen e fuqishme nga të ‘fortit’ e PDK-së.

“Rikthimin e Limajt në PDK dhe eventualisht marrjen e lidershipit të asaj partie, nuk e shoh se mund të përcillet me ndonjë tronditje, për arsye që PDK-ja akoma udhëhiqet nga eksponentë të fuqishëm të saj ndër vite, dhe Memli Krasniqin, kryetarin aktual të saj nuk e shoh se ka mundur ta fuqizoj pozicionin e tij si kryetar, dhe duket se nuk e ka edhe mbështetjen e fuqishme nga strukturat partiake, sidomos nga degët, të cilat akoma mbahen nga njerëzit e fuqishëm të gardës së vjetër politike të kësaj partie”, shprehet Haziri.

Për fund, Haziri e sheh një tjetër njeri si kryetar të ardhshëm të PDK-së, pavarësisht tentimit të Limajt./BotaSot

TË FUNDIT
6 orë
Vazhdon procesi gjyqësor ndaj ish-krerëve të UÇK-së
1 ditë
Lajçaku thotë se është i gatshëm për takim të ri për dinarin në Bruksel
1 ditë
Kroacia sot e nis për në Kosovë kontigjentin e 41-të të ushtarëve në kuadër të KFOR-it
2 ditë
Marrëveshja mes Kosovës dhe ShBA-së, Hovenier: Ky është një hap i rëndësishëm
2 ditë
Kurti: SHBA - aleate, mike e partnere historike (VIDEO)

ME TE LEXUARA

1 ditë
Kroacia sot e nis për në Kosovë kontigjentin e 41-të të ushtarëve në kuadër të KFOR-it
1 ditë
Lajçaku thotë se është i gatshëm për takim të ri për dinarin në Bruksel
6 orë
Vazhdon procesi gjyqësor ndaj ish-krerëve të UÇK-së

LEXO MË SHUMË

thaci-veseli-krasniqi-selimi

Vazhdon procesi gjyqësor ndaj ish-krerëve të UÇK-së

Lajcak

Lajçaku thotë se është i gatshëm për takim të ri për dinarin në Bruksel

KFOR KS

Kroacia sot e nis për në Kosovë kontigjentin e 41-të të ushtarëve në kuadër të KFOR-it

Hovenier

Marrëveshja mes Kosovës dhe ShBA-së, Hovenier: Ky është një hap i rëndësishëm

kurti liz allen alen

Kurti: SHBA – aleate, mike e partnere historike (VIDEO)

vjosa Osmani

Osmani: Rusia përmes satelitit të saj Serbisë paraqet rrezik aktiv për de-stabilizim të rajonit

Elizabet Alen Liz Allen

Allen: Asociacioni, hap thelbësor në rrugëtimin euro-atlantik të Kosovës

veriu policia manastir

Ngritet alarmi: Grupet ekstreme serbe në pritje për sulme në veri

david kanin

Eksperti amerikan zbulon pse Kurti nuk e bëri lëshimin e madh me Asociacionin: Ja çka do të ndodhë nëse i fiton zgjedhjet e reja

INFO

NA NDIQ