Lirimi gjyqësor i Michel Platinit nga akuzat në çështjen e dyshuar të mashtrimit me FIFA-n mund të shkaktojë një tërmet të vërtetë në krye të futbollit evropian.
Sipas gazetës spanjole Mundo Deportivo, ish-lojtari numër 10 i Juventusit dhe i kombëtares franceze, Michel Platini, tashmë po punon për të ndërtuar një front kundërshtar ndaj presidentit aktual të UEFA-s, Aleksander Ceferin.
Në krah të tij, një figurë e shquar si Andriy Shevchenko, presidenti aktual i Federatës së Futbollit të Ukrainës.
Platini dhe Shevchenko, të cilët padyshim kanë nevojë për pëlqimin e 55 federatave anëtare të UEFA-s, thuhet se po bashkëpunojnë me Takis Baltakos, ish-presidentin e Federatës Greke të Futbollit, i cili është treguar si një udhëheqës i mundshëm i kësaj lëvizjeje alternative.
Aleksander Ceferin e ka udhëhequr UEFA-n vazhdimisht që nga viti 2016, me rizgjedhje në 2019 dhe 2023 kur ai ishte kandidati i vetëm. Edhe pse mandati i tij skadon në 2027, grupi i opozitës synon të ndërmarrë hapat e parë që në shtator 2025, duke testuar ‘ujërat’ midis shoqatave.
Sipas thashethemeve, nuk mund të përjashtohet një përpjekje për të paraqitur një mocion mosbesimi për të përshpejtuar fundin e presidencës së Ceferin.
Një element thelbësor në këtë betejë të mundshme për udhëheqjen e UEFA-s do të jetë pozicioni i FIFA-s dhe presidentit të saj, Gianni Infantino.
Raportet e fundit përshkruajnë një marrëdhënie të tensionuar (në konflikt) midis Infantinos dhe Ceferin, duke sugjeruar se presidenti i FIFA-s mund të mirëpresë një ndryshim në krye të organit evropian.
Megjithatë, mbetet për t’u parë se si do të reagonte Infantino ndaj një rikthimi të Platinisë në skenën politike të nivelit të lartë të futbollit.
