Poll Pogba ka refuzuar një ofertë prej 100 milionë eurosh nga Arabia Saudite për tre sezonet e ardhshme. Megjithatë sipas raportimeve të medieve italiane nuk përjashtohet mundësia e rritjes së ofertës për francezin
“Al-Ahly” dhe “Al-Ittihad” janë dy klubet që kanë shfaqur interes për mesfushorin e Juventus, megjithatë ky i fundit nuk është bindur nga shifra e ofruar për t’u larguar nga Italia. Megjithatë të dy klubet saudite janë të gatshëm të rrisin ofertën për Pogban, dhe referuar raportimeve nga Italia nuk përjashtohet mundësia që francezi të joshet.
Juventusi nga ana tjetër mbetet në pozicion pritjeje, pasi për momentin, klubi torinez nuk ka marrë asnjë ofertë, por është e qartë se ata nuk do ta lejojnë largimin e 30-vjeçarit pa një shifër të mirë, shumë që do i duhej për ta zëvendësuar.
