Një rast jo shumë i zakonshëm ka ndodhur në Maqedoninë e Veriut. Një polic ka denoncuar në Polici se nga vendi i punës ia kanë vjedhur armën zyrtare me 13 plumba, transmeton TV21.
Rasti është bërë i ditur në raportin ditor të Ministrisë së Punëve të Brendshme.
“Më 01.03.2025 në ora 08:00 në DPB Krushevë, M.H.(38) nga Krusheva, të punësuarit si nëpunës policor në DPB Krushevë ka denoncuar se gjatë periudhës kohore prej 31.10.2024 deri më 01.03.2025 nga kryerës i panjohur nga sirtari metal, të cilin denoncuesi e ka shfrytëzuar për vendosjen e pajisjes dhe armës zyrtare, në hapësirat e DPB Krushevë i është marrë pistoleta zyrtare me kornizë e cila ka pasur 13 plumba”, qëndron në buletinin e MPB-së.
Nga MPB bëjnë të ditur se ndërmerren masat për zbardhjen e rastit.
