Policia Financiare sot në mëngjes ka nisur me bastisje në kompaninë “Pin Petrol”, njëra nga më të njohurat në Kumanovë, mëson INA.
Gjatë këtij kontrolli dhe bastisjeve është arrestuar edhe një person.
Sipas burimeve të para të MPB-së, kjo kompani dyshohet se ka përvetësuar para të cilat janë detyruar t’ia paguajnë Ndërmarrjes Publike për Rrugë Shtetërore.
Ndërsa personi i ndaluar është Gabriela Spasovska-Kërstevska, kushërira e ish-ministrit të Punëve të Brendshme Oliver Spasovski.
Rastin është konfirmuar edhe nga Policia Finanicare, nga ku thonë se kanë parashtruar kallëzim penal ndaj Gabriela Spasovska Kërstevskës dhe ndaj dy zyrtarëve të tjerë.
“Me veprimet e mësipërme, të denoncuarit i kanë shkaktuar dëm Buxhetit të Ndërmarrjes Publike për Rrugët Shtetërore në shumën e përgjithshme prej 22.294.343,00. denarëve”, njoftuan nga Policia Financiare.(INA)
