Katër të vdekur, katër vrasës dhe katër numra dosjesh “UJS” – kjo do të thotë se policia gjermane ende nuk ka mundur t’i zgjidhë këto raste kriminale spektakolare nga viti 2022
Familjarët dhe miqtë e viktimave shpresojnë se komisionet e vrasjeve më në fund do të mund t’u japin atyre përgjigje në vitin 2023: Kush i vrau të dashurit e tyre dhe pse?
Më 29 maj, gjysmë ore pas mesnate, një veturë Audi hyn në rrugën “Hirtenstrasse” në Dortmund. Papritur shprepen gjashtë të shtëna gjatë natës.
Arlind Z. (32), i cili ndoqi finalen e Champions League me shokë, u godit në ulësen e vozitësit dhe më pas u rrëzua i gjakosur. Një ditë më pas ka ndërruar jetë babai i familjes, i cili punonte si pastrues. “Dukej si një ekzekutim”, thotë prokurori Carsten Dombert (58), transmeton portali Shtegu.
Dëshmitarët e shohin vrasësin duke ikur. Përshkrimi: 1.85 metra, përafërsisht 35 vjet, pamje fizike normale, mjekër e shkurtër e errët, pantallona chinos të zeza, këmishë me kapuç të errët, kapele bejsbolli e errët. Pavarësisht vlerësimit të kujdesshëm të të gjitha pistave dhe dhjetëra marrjeve në pyetje, vrasësi kriminel ende nuk është arrestuar.
