Policia ndërhyn në Klinikën e Onkologjisë në Shkup, Prokuroria jep detaje

ina-online
ina-online

2 Shtator, 2023

Pas alarmimit në media se në Klinikën e Onkologjisë ka dyshime se po bëhen keqpërdorime me ilaçet dhe terapitë e pacientëve, mbrëmjen e kaluar është kryer kontroll nga ana e policisë dhe prokurorisë në këtë klinikë.

Lajmi është konfirmuar sot nga Prokuroria Themelore, ku kanë sqaruar se në kuadër të këtij aksioni, ka pasur bastisje edhe në banesa private.

“Gjatë ditës së djeshme në bazë të urdhëresës së gjykatës, pas udhëzimeve të prokurorit publik nga Prokuroria Themelore Publike Shkup, pjesëtarë të MPB-së kanë kryer kontrolle në Klinikën e Onkologjisë, si dhe në dy lokacione të tjera në banesa private në Shkup. Në këtë mënyrë janë sekuestruar kompjuterë, të dhëna kompjuterike dhe dokumentacion tjetër, të cilat do t’i nënshtrohen analizës dhe ekspertizës.Themelore Publike Shkup dhe Ministria e Punëve të Brendshme vazhdojnë të ndërmarrin veprime në procedurë parahetimore, të iniciuar në bazë të pretendimeve në tekste gazetareske të një gazete javore lidhur me punën e Klinikës”, thonë nga Prokuroria Themelore Publike.

Nga prokuroria kanë shtuar se, kontrollet bëhen me qëllim sigurimin e provave për të hetuar shenjat e mundshme të një krimi. Ndërkohë, në lidhje me këtë aksion ka reaguar edhe ministri i Shëndetësisë, Fatmir Mexhiti, i cili tha se, pret që institucionet të marrin një vendim sa më të shpejtë në raport me hetimin.

“Mbështetje të fortë për aksionin e prokurorisë dhe policisë në Klinikën e Onkologjisë. Si ministër, dënoj fuqishëm të gjitha tentativat dhe veprimet e individëve apo grupeve, të cilët, nëpërmjet kompetencave diskrecionale dhe mënyrave të marrjes së vendimeve në favor të tyre, kanë shkaktuar dëme të pariparueshme në shëndetin dhe jetën e pacientëve, qytetarëve dhe shtetit”, është shprehur ministri Fatmir Mexhiti.

Ky aksion vjen pas publikimeve të një sërë shkrimesh në javoren “Fokus” muajin e kaluar për një rrjet biznesi kriminel për rishitjen e ilaçeve të shtrenjta. Sipas pretendimeve të këtij mediumi, në këtë rrjet kanë qenë të përfshirë më shumë mjek dhe staf mjekësor i kësaj klinike.

Në raportimet e “Fokusit” thuhet se, në sistem janë vendosur pacientë fiktive, ndërsa një pjese të pacientëve real u është dhënë terapi e pjesshme dhe në këtë mënyrë, terapia e shtrenjtë biologjike ka përfunduar në tregun e zi.

ME TE LEXUARA

LEXO MË SHUMË

Ministria-Arsimit

MASH për librat: Këtë vit janë siguruar dhe shpërndarë 1.4 milionë tekste shkollore

edi rama

Edi Rama: Pë herë të parë Shqipëria nuk linjëzohet me deklaratën e BE për dialogun Kosovë-Serbi

A9BAC27E-3B67-499A-BE55-F44D89B500B6

Kodi Penal, ulet dënimi për abuzim seksual me fëmijët

88F77E7E-BD4D-4755-8C1A-A70698D2E102

Gjykata Kushtetuese shfuqizon vendimin e Llogës për vendosje të grafës etnike në certifikatat e lindjes/vdekjes dhe ato martesore

gjimnazi Tetov-780x470

Komuna e Tetovës akuzon MASH-in: Mijëra nxënës ende nuk kanë libra

mickoski

Mickoski: Qeveria e ardhshme e VMRO-DPMNE-së do të merret seriozisht me hulumtimin e krimeve në vend

dimitar kovacevski

Lavdërohet kryeministri: Me një pagë mesatare prej 37.000 denarëve dhe një pagë minimale prej 21.000 denarëve, mund të mbulohet shporta e konsumit

policia kosoves terroristet veri

Lirohen katër të dyshuar për sulmin terrorist në Banjskë

8525710B-2B1C-4019-A336-2EA5EAD280CF

Shqipëria nuk mbështet deklaratën e Borrellit, qëndron krah Kosovës

INFO

NA NDIQ