“Poligraf”: Kush dezinformoi me fotografi të vjetër se në Greqi mbulohet shenja “NMK” në targat e makinave?

INA
INA

12/03/2024

Fotografi e vjetër – dezinformatë e re. Kjo është një nga format më të shpeshta të dezinformimit në internet. I tillë është rasti me lajmin se në Greqi po mbulohet edhe shenja “NMK” në targat e veturave nga vendi.

Më 29 shkurt 2024, portali i TV Kanal 5 publikoi tekstin me titull: “Skandal: Në Greqi mbulohet edhe shenja NMK në targa”. “Në Greqi me një ngjitëse skandaloze është mbuluar shenja NMK në targën e një veture nga Shkupi. Mbi shiritin blu me shënimin NMK në targë, një autor i panjohur ka ngjitur afishe skandaloze ku shkruan – Ju nuk jeni maqedonas, ju jeni sllavë – Maqedonia është Greqi” – shkruan në tekst, ku thuhet se fotografia e targës është shpërndarë në Fejsbuk.

Përmbajtje të ngjashme më pas botoi edhe portali i TV Sitel, në tekstin me titull “Shenja “NMK” e mbuluar me afishe “ju nuk jeni maqedonas, Maqedonia është greke” në Greqi”. Edhe portali Skopje 1 e publikoi këtë lajm me titull: “Ju nuk jeni maqedonas, por sllavë, Maqedonia është greke” – provokime greke me afishe në targa maqedonase”.

Edhe pse mediat iu referuan postimeve në Fejsbuk, nuk bëhet fjalë aspak për një fotografi të re, por për një fotografi të vjetër. Për shembull, fotografia është publikuar nga portali Skopje Info më 23 gusht 2016. Më shumë elementë tregojnë se kjo fotografi është e njëjtë me fotografinë e publikuar këtë vit në portale dhe rrjete sociale.

Edhe kontrolluesit e fakteve nga “Vërtetmatësi” bënë me dije se fotografia e vjetër u shpërnda në postime të shumta në Fejsbuk, në të cilat ngjarja paraqitet sikur të kishte ndodhur këtyre ditëve. “Ndryshe nga ajo që thuhet në njoftime, kjo fotografi nuk është e vitit 2024, por është e vjetër pothuajse tetë vjet dhe nuk përfaqëson një praktikë të Greqisë zyrtare, por një incident”, thuhet në recensionin e “Vërtetmatësit”.

Edhe ky rast tregon se mediat nuk duhet të botojnë informacione të paverifikuara nga rrjetet sociale. Ato mund të rrisin lexueshmërinë, por e mashtrojnë audiencën, e rrënojnë besimin në media dhe marrëdhëniet mes dy vendeve.

TË FUNDIT

ME TE LEXUARA

LEXO MË SHUMË

izet mexhiti

Mexhiti: Paska folë prap makineria propaganduese e Gebelsit të BDI-së!

vlen llogo

VLEN: Pacienti dhe Fronti i listës së zezë, shkaktarët e rënies së besimit në gjyqësor dhe prokurori

Kacarska-780x439-1-1

Kacarska: Gjykata Kushtetuese mund të vendosë për kushtetutshmërinë e Kodit Zgjedhor

bujar osmani

Osmani: Brenda 48 orëve mund të shpërthejë konflikt në Lindjen e Mesme

mpj22-696x385

MPJ apelon që të shmangen udhëtimet në Izrael dhe rajon

BDI selia

BDI: Korrupsioni ka emër, Izet Mexhiti dhe komuna e Çairit

bdi-ali-ahmeti-cair

BDI më e pasura, me më shumë para se partitë tjera

mexhiti izet

VLEN: Ndryshimet kushtetuese, kusht për koalicion me VMRO-DPMNE-në

KSHZ-Komisioni

Këto janë numrat e listave për deputetë që mund të votoni më 8 maj

INFO

NA NDIQ