“Poligraf”: Si një video e rreme e një viktime të vrasjes në Kosovë u bë virale në Facebook?

ina-online
ina-online

18/12/2023

Në rrjetet sociale shpesh botohen dezinformata, të cilat keqpërdorin edhe tragjedi të mëdha për të arritur ndikim më të madh te publiku. Përveç rastit me dezinformatat për dy vrasjet që ndodhën në vendin tonë, i tillë ishte edhe rasti me vrasjen e Liridona Ademaj – Murselit që ndodhi para do kohe në Kosovë.

Më 3 dhjetor 2023, Facebook faqja “Rozaria” botoi një  video ku shihet Liridona Ademaj-Murseli, e cila u vra më 29 nëntor 2023 në Prishtinë, sikur po flet dhe po jep mesazh pas vdekjes së saj. Kjo video në Facebook për 10 ditë ka arritur mbi 1 milion shikime, 42.000 reaksione, 4900 shpërndarje dhe afër 6500 komente.

Mirëpo, bëhet fjalë për një video të rreme që është prodhuar përmes programeve të inteligjencës artificiale. Mu për këtë shkak, si dhe për shkak të ndikimit të madh që ka pasur, ajo është shënuar si informacion i pavërtetë nga Facebook-u, me shpjegim se videoja është përgënjeshtruar nga kontrolluesit e pavarur të fakteve nga portali “Kallxo.com”.

Çfarë konstatuan verifikuesit e fakteve të këtij portali? Ata, përmes faqes për zbulimin e prejardhjes së fotografive “Tineye” kanë gjetur se “fotografia e Liridona Ademaj-Murselit për herë të parë është publikuar në portalin Telegrafi. Kjo fotografi është publikuar pas vrasjes së saj më 29 nëntor 2023. E njëjta fotografi është përdorë për të prodhuar një video përmes inteligjencës artificiale (IA)“, thuhet në recensionin e botuar nga kontrolluesit e fakteve të “Kallxo.com”.

Kjo video e rreme virale dhe skajshmërisht joetike, tregon se publiku duhet të ketë shumë kujdes me publikimet e tilla në rrjetet sociale, të cilat e keqpërdorin interesimin e madh gjatë ndodhive tragjike vetëm për të zmadhuar ndikimin dhe lexueshmërinë. Prandaj, gjatë tragjedive të tilla, publiku duhet të mbështetet në informacione të botuara nga mediat profesionale, që janë të vërtetuara nga burime të besueshme.

TË FUNDIT

ME TE LEXUARA

LEXO MË SHUMË

ziadin sela

Sela për Kurtin: I kam dalë borxh!/ Kam dhënë kontribut modest që ai të jetë sot kryeministër

Screenshot_2024-02-29-20-47-04-453_com.facebook.katana-edit

Dr. Ilir Vela i bashkangjitet Aleancës për Shqiptarët

tv-media-radiodifuzion

Ja lista e mediave nga KSHZ që do të ndjekin fushatën reklamuese të zgjedhjeve

zgjedhje maqedoni

Partitë për zgjedhje do të reklamohen në 249 portale, 37 televizione dhe 35 radio

asdren shkupi besa

Kasami prezanton aderimin e radhës në BESA

instituti-arben-xhaferi

(VIDEO) Instituti “Arben Xhaferi” instalon barometrin e përfaqësimit të drejtë

ahmeti zaev kovacevski

BDI a e mashtroi LSDM-në për “Frontin Europian”? (VIDEO)

talat xhaferi edi rama

Xhaferi: Plani i rritjes kyçe për anëtarësimin e përshpejtuar në BE

kovacevski

Kovaçevski premton rroga minimale nga 600 euro dhe rroga mesatare nga 1000 euro

INFO

NA NDIQ