E Majta paralajmëron padi ndaj kryetarit të Kuvendit, Afrim Gashi për siç thonë ata se po mban të bllokuar propozim-Ligjin për branitellat.
Sipas tyre, Rregullorja e Kuvendit i mundëson Gashit të thërras Komisionin për politikë sociale, demografi dhe të rinj që të procedon më tej ligjin i cili është propozuar nga LSDM-ja dhe që gëzon mbështetjen edhe të VMRO-DPMNE-së dhe Të Majtës. Kryetari i Kuvendit Afrim Gashi gjatë procedurales së deputetit majtist u përgjigj se një gjë të tillë nuk e lejon Rregullorja pasi kreu i Kuvendit obligohet të thërras mbledhjen e trupit punues kur atë nuk e bën kryetari i komisionit, por nuk mund të thërrasë mbledhjen kur kryetari refuzon të vendos në rend dite propozim-ligjin. Propozim-Ligji për branitellat parashikon avancimin e kujdesit ndaj kësaj kategorie duke rritur ndihëm e njëhershme financiare ndaj tyre në bazë të përqindjes së invaliditetit. /Alsat.mk
