Presidenti i Republikës, Bajram Begaj ka dekretuar këtë të shtunë shkarkimin e ministrave që largohen nga detyra, dhe njëkohësisht emërimin në detyrë të ministrave të rinj.
Presidenti i Republikës së Shqipërisë, Bajram Begaj dekreton shkarkimin e ministrave që largohen nga detyra, dhe njëkohësisht emërimin në detyrë të ministrave të rinj.
Kryeministri Edi Rama në fjalën e tij në Asamblenë e PS-e 4 shtatorit, njoftoi ndryshime në kabinetin e tij.
Ndryshimet kanë prekur 7 ministri, por ajo që vihet re është se disa emrave iu është ndërruar thjesht pozicioni, siç është rasti i Ogerta Manastirliut që nga Shëndetësia është vendosur në krye të Arsimit, apo Delina Ibrahimajt që nga Financat është caktuar ministre për sipërmarrjen.
Ministrat e rinj janë:
Ervin Mete-Ministër i Financave dhe Ekonomisë
Igli Hasani- Ministër për Europën dhe punët e Jashtme
Ogerta Manastirliu – Ministre e Arsimit dhe Rinisë
Anila Denaj- Ministre e Bujqësisë dhe zhvillimit rural
Albana Koçiu – Ministre e Shëndetësisë
Delina Ibrahimaj- Ministre për sipërmarrjen
Ministër Shteti për Pushtetin vendor Arbi Mazniku, largohet Milva Ikonomi dhe shkrihet ministria e shtetit për standardet dhe shërbimet.
Pas këtyre ndryshimeve jashtë qeverisë mbeten, Olta Xhaçka, Evis Kushi, Frida Krifca, Edona Bilali si dhe Milva Ikonomi.(INA)
