Presidentja e Republikës së Kosovës, Vjosa Osmani e ka dekoruar shkrimtarin Ismail Kadare me urdhrin “Hasan Prishtina”.
Përmes një ceremonie të organizuar sot nga presidentja Vjosa Osmani, shkrimtari shqiptar, Ismail Kadare është dekoruar me urdhrin “Hasan Prishtina”.
Me këtë rast, Kadareja është cilësuar si “shembull i vyer për popullin shqiptar”.
Teksa i ka ndarë urdhrin, Osmani tha se vepra e tij është enciklopedi artistike e jetës së shqiptarëve.
“Si mirënjohje në emër të popullit të Kosovës, nderojmë shkrimtarin tonë të shquar, zotin Ismail Kadare vepra e të cilit është enciklopedi artistike e jetës së rëndomtë të shqiptarëve, e historisë së tyre, dokeve e traditave dhe mbi të gjitha e gjuhës shqipe”, ka thënë Osmani.
Teksa, Kadareja është shprehur se e konsideron fat të rrallë që një popull i tërë ta nderojë.
Ditën e djeshme, Kadare mori pjesë në edicionin e 23-të të Panairit të Librit në Prishtinë. Sakaq, zhvillloi edhe një takim me kryeministrin e Kosovës, Albin Kurti.
