Sigurisht, një figure si Princesha Diana nuk i shkonte të hante fasule në mëngjes, si dikur në ushtrinë shqiptare në vaktin e parë të ditës, por ja që kjo ka ndodhur.
E thotë këtë ish-shefi i saj i kuzhinës, Darren McGrady. Sipas këtij kuzhinieri mbretëror, princeshës i pëlqente të hante fasule që shkojnë si pjatë anësore me proshutë dhe vezë, të cilat anglezët i hanë për mëngjes.
Asaj i pëlqente aq shumë sa e hante këtë “ushqim të varfër” tri herë në javë.
McGrady zbuloi se Diana mund të hante një tas të tërë fasule për mëngjes.
“Mund t’ju duket e çuditshme, por fasulet kanë vetëm shtatë gram sheqer dhe shumë proteina e fibra. Nuk kanë pothuajse fare yndyrë”, pohon Darren për zakonet gastronmike të princeshës së ndjerë.
