​Pritja solemne për Krishtlindje, Dodë Gjergji përçon mesazhin për paqe e dashuri

ina-online
ina-online

24/12/2023

Sonte në Qendrën “BogdaniPolis” në katedralen “Shën Nënë Tereza” është mbajtur pritja solemne në prag të kremtimit të festës së Krishtlindjes.

Ipeshkvi i Kosovës, Dodë Gjergji, me këtë rast barti mesazhin e paqes dhe dashurisë për të gjithë njerëzit, me dëshirën që ata të jetojnë të lumtur, në harmoni dhe paqe.

Gjergji: Njerëzit që jetojnë në Kosovë të kenë paqe e dashuri

“Faleminderit që keni ardhur sonte për të bashkë ndarë me ne gëzimin, e që na mbështetni të jemi bartës të shpresës, dashurisë dhe paqes në këtë vend e këtë popull, sepse në këto Krishtlindje e kam marrë më shumë simbolin e bredhit …Kisha nuk pretendon që të jetë ndonjë gjë tjetër përveç se një bredh i bukur në popullin tonë, që është i dekoruar me virtyte, sakrifica, kontribute të shumta në histori dhe me gatishmërinë për të dhënë kontributin sot që vendi ynë po lejon që njerëzit që jetojnë në Kosovë të mund ta kenë paqen, dashurinë, tolerancën, harmoninë, miqësinë, faljen, pajtimin dhe gëzimin në zemrat e tyre,” tha Imzot Dodë Gjergji.

Ndërsa, anëtari i Kryesisë së Lëvizjes Demokratike të Kosovës (LDK) Visar Berisha uroi besimtarët katolikë me dëshirën që në familjet e tyre të mbretërojë paqja e solidariteti për njëri-tjetrin.

Berisha: Urojmë festa të këndshme

“Ju urojmë festa të këndshme që t’i kalojnë sa më mirë pranë të afërmeve të tyre që të kanë bujari në mesin e tyre, solidaritet, që të jenë familje të bashkuara dhe secila të ketë një shpresë për të ardhmen për vitin që vjen, në mënyrë që si shoqëri, por edhe si individ dhe familje të mund të shohim përtej zymtësisë dhe përditshmërisë që e kemi, të asaj që ofron përditshmëria jonë, të mund të fitojmë përtej kësaj një shpresë më të madhe, e cila i duhet më shumë se çdo herë vendit tonë ,” u shpreh Berisha.

Edhe shefi i Grupit Parlamentar të Aleancës për Ardhmërinë e Kosovës (AAK) Besnik Tahiri tha se toleranca në mes të religjioneve në Kosovë është një pasuri të cilën të gjithë duhet ta ruajnë.

Tahiri: Toleranca në mes të religjioneve, pasuri të cilën duhet ta ruajmë

“Jemi sonte në Katedrale, për të shprehur nderimin dhe për të uruar Ipeshkvin e Kosovës me rastin e festës së Krishtlindjes. Pasuria e shqiptarëve gjithandej edhe e Kosovës është diversiteti, në këtë rast edhe diversiteti fetar, vëllazëria, bashkëpunimi dhe toleranca në mes të religjioneve në Kosovë është një pasuri të cilën duhet ta ruajmë e ta mirëmbajmë,” tha Tahiri.

Në këtë pritje solemne, organizuar nga Dioqeza Prizren-Prishtinë, morën pjesë presidentja Vjosa Osmani, ministrja e Industrisë, Rozeta Hajdari, ministri i Infrastrukturës Liburn Aliu, ministri i Brendshëm Xhelal Sveçla, kryetari i LDK-së Lumir Abdixhiku, ish-presidenti Fatmir Sejdiu, myftiu i Kosovës Naim Tërnava dhe shumë të tjerë.

Ndryshe, sonte në mesnatë mbahet mesha solemne e Krishtlindjes e udhëhequr nga Imzot Dodë Gjergji, në Katedralen “Shën Nënë Tereza” në Prishtinë.

Krishtlindja është një nga kremtimet më të rëndësishme në kalendarin e festave të krishtera. Ajo kremtohet dhe festohet çdo datë 25 dhjetor dhe në të kujtohet lindja e shpëtimtarit Jezu Krishti. Pas Pashkëve, është festa më e rëndësishme për të krishterët.

TË FUNDIT

ME TE LEXUARA

LEXO MË SHUMË

radoicic radojcic spiric

VIDEO: Radoiçiq grushton ish-kryetarin ilegal të Mitrovicës së Veriut

Oleksiy Goncharenko

Deputeti ukrainas porosi për Kosovën: Armatosuni, askush nuk ju mbron!

serbet smigic sulm veri polici zvecan kfor

Njëri 6 muaj burgim, tjetri 6 mijë euro gjobë – dënohen dy serbët për sulm ndaj KFOR-it në veri

bislimi-petkovic-lajcak

Nis takimi trepalësh në Bruksel për çështjen e dinarit serb

arbana xharra enes goga

Gazetarja Arbana Xharra fiton betejën ligjore kundër Kryeimamit Enes Goga, ky është vendimi

thaci-krasniqi-veseli-hage-selimi-specialja

Anulohet seanca e sotme ndaj ish-krerëve të UÇK-së

reinhard_butikofer

Eurodeputeti gjerman: Serbia me Vuçiqin, ka zero shanse për BE

vjosa Osmani

Osmani e përfaqëson Kosovën në samitin për Ukrainën në Tiranë

plaku milaim motel

Nxehet Plaku: O Pleq dinja hallin vetit, mos shkoni në motele mu ba horë e me vdekë aty? (VIDEO)

INFO

NA NDIQ