Në Maqedoninë e Veriut në muajin shkurt është regjistruar rritje e rrogës mesatare në disa profesione, ashtu që rroga mesatare në nivel shteti ka arritur deri 33 720 denarë, transmeton Portalb.mk.
Rroga më e ulët mesatare ishte në Veprimtaritë e sigurisë dhe të hetimit (19 096), pastaj në shërbimet për mirëmbajtje e ndërtesave dhe veprimtari për rregullimin dhe mirëmbajtjen e mjedisit jetësor dhe natyrës (21 060) dhe 21 310 në sektorin e prodhimit të lëkurës dhe produkteve të saj.
Ndërkohë në disa sektorë rroga mesatare arriti rreth 100 mijë denarë. Te programimi kompjuterik, konsultimi dhe veprimtaritë e tjera rreth tij rroga mesatare mujore në muajin shkurt është 91 730 denarë, te veprimtaritë e tjera profesionale, shkencore dhe teknike u regjistrua rrogë mesatare mujore prej 66 969 denarë, ndërsa te transporti ajror rroga mesatare mujore është 63 734 denarë.
