Nga Prokuroria njoftojnë se Gjykata ka shqiptuar masën e paraburgimit ndaj dy personave të cilët akuzohen për kontrabandë me emigrantë, përcjell TV21. Nga Prokuroria shtojnë se kanë hapur rast dhe se po hetohet vrasja e emigrantes në Gjevgjeli, nga një polic përmes armës zyrtare, ku ishin të përfshirë edhe dy personat ndaj të cilëve u shqiptua masa e paraburgimit.
“Njëkohësisht, prokurori kompetent nga Departamenti për hetimin dhe ndjekjen e krimeve të kryera nga persona me kompetenca policore dhe pjesëtarë të policisë së burgjeve pranë Prokurorisë Publike Themelore për ndjekjen e krimit të organizuar dhe korrupsionit, me qëllim që të vërtetohet përgjegjësia e zyrtarit policor, ka formuar lëndë dhe ka lëshuar urdhër për ekspertizë të vijave papilare të armës zyrtare, si dhe gjurmë të tjera në bazë të të cilave do të konstatohet se kush e ka qëlluar plumbin që ka shkaktuar vdekjen e emigrantes”, thonë nga Prokuroria.
