Lëvizja BESA ka komentuar sot propozimin e VMRO-DPMNE-së për një Qeveri gjithëpërfshirëse por pa BDI, por që një kusht i pushtetit aktual dhe i shpalosur nga kryeministri Dimitar Kovaçevski është ndryshimi i Kushtetutës.
Nga Lëvizja Besa thonë se nuk mund të prononcohen në lidhje me krijimin e një Qeverie gjithëpërfshirëse që do të votonte ndryshimet kushtetuese, pasi siç thonë nga kjo parti, në takimin e sotëm Mickoski-Kovaçevski nuk mori pjesë asnjë shqiptar.
Nga kjo parti thonë se edhe nëse do të kishte një ofertë të këtillë, të njëjtën fillimisht do ta shqyrtonin në organet e parisë.
“S’mund të prononcohemi në momente që nuk kemi detaje mbi bisedimet në takim pa pjesëmarrje të asnjë përfaqësuesi shqiptar. Për Lëvizjen BESA nuk është e rëndësishme pjesëmarrja ose jo në qeverinë teknike, për ne është e rëndësishme që termi nënçmues 20% të hiqet nga kushtetuta, dhe të zëvendësohet me gjuha shqipe. Dhe në qoftë se do të ketë një ofertë të tillë sigurisht që për të njëjtën do të vendosin organet partiake”, thonë nga Lëvizja BESA. (INA)
