Protesta në Çashkë, banorët maqedonas kundërshtojnë ashpër hapjen e paraleles shqipe

ina-online
ina-online

23/01/2024

Fillimi i gjysmëvjetorit të dytë shkollor ka rikthyer protestat në Çashkë, kundër paraleles shqipe për klasën e parë. Banorë të caktuar të Çashkës sërish bllokuan hyrjen para shkollës fillore “Todor Janev” duke penguar mësimdhënësit dhe nxënësit shqiptarë në realizimin e procesit mësimor.

Përveç rikthimit të protestave, me vendim të prindërve është rikthyer edhe bojkoti I mësimit nga nxënësit maqedonas, bojkot I cili me javë të tëra u zhvillua edhe gjatë gjysmëvjetorit të parë.

Në këtë shkollë, paralelja shqipe për klasën e parë për herë të parë u hap pak kohë para përfundimit të gjysmëvjetorit të parë shkollor. Ndërsa banorët e kësaj zone ashpër kundërshtojnë hapjen e paraleles shqipe, ministri I Arsimit Jeton Shaqiri mbetet në qëndrimin se mësimi shqip në këtë shkollë do të funksionojë pavarësisht kundërshtimeve të një pjese të caktuar të banorëve të Çashkës. Sipas Shaqirit, hapja e paraleles është realizuar konform të gjitha procedurave ligjore. Gjithashtu, Shaqiri tha se do të shqyrtohet mundësia e ndërtimit të një objekti të ri shkollor ku do të mësonin vetëm nxënësit shqiptarë.

Protesta në Çashkë ka nisur më 23 nëntor për shkak të vendimit të hapjes së paraleles me mësim në gjuhën shqipe për klasën e parë. Sipas këshillit të prindërve paralelja është hapur pa respektuar procedurat ligjore dhe pa miratimin e këshillit të prindërve. Në shkollën fillore të Çashkës, ka mbi 70 nxënës shqiptarë të cilët janë të detyruar të mësojnë maqedonisht nga klasa e parë deri në të 9, për shkak të mungesës së mësimit në gjuhën amtare. /alsat.mk

TË FUNDIT

ME TE LEXUARA

LEXO MË SHUMË

dokumente pasaporta

Qytetarët e Shkupit mund të kontrollojnë online nëse pasaporta e tyre është gati

termet

Tërmet në afërsi të Ulqinit

Talat Xhaferi

Xhaferi në Samitin e Investimeve për Ballkanin Perëndimor të BERZH-it

Izet Mexhiti

Mexhiti mesazh Grubit: S’jemi derivat i Dik Martit dhe shtëpive të verdha

Taravari Gostivar

Halil Snopçe u caktua kryetar i shtabit zgjedhor të degës së ASH në Gostivar

Arben Taravari3

Taravari: Maqedonia një herë ka zgjedhur president në Kuvend, pse mos ta bëjmë sërish!

bdi kryesia

BDI e vetme apo bashkë Selën në zgjedhje, në lojë edhe emra tjerë?!

levizja-besa

Lëvizja BESA zgjodhi shefin e shtabit zgjedhor (FOTO)

fatmirbytiqi

Bytyqi: Kjo qeveri është treguar me vepra e jo me fjalë

INFO

NA NDIQ