Protesta e opozitës në Tiranë, përleshje me policinë, Berisha fjalim nga arresti shtëpiak, Rama në Turqi

ina-online
ina-online

20/02/2024

Qindra qytetarë shqiptarë u tubuan të martën para Kryeministrisë në Tiranë, në protestën e thirrur nga grupimi opozitar “Rithemelimi”, që drejtohet nga ish-kryeministri Sali Berisha.

Berisha iu drejtua protestuesve nga masa e ‘arrestit shtëpiak’ që i nënshtrohet tani, për shkak të hetimeve për privatizimin e ish-klubit sportiv “Partizani” – rast që dyshohet për korrupsion.

Ai u shfaq përmes një video-linku dhe nisi akuza kundrejt qeverisjes së Ramës.

“Gjatë sundimit 10-vjeçar të tij, si kurrë ndonjëherë më parë, një milion shqiptarë u larguan nga Shqipëria dhe integrimi evropian i vendit u shndërrua në një horizont që largohet çdo ditë e më shumë”, tha Berisha.

Ai kritikoi edhe sistemin e drejtësisë, por edhe ndërkombëtarët, duke thënë se “diplomatë dhe ambasadorë të korruptuar nga narkoqeveria i frynë qëllimisht zjarrit të përçarjes dhe konfliktit midis opozitës.

Sipas tij, 33 vjet pas rrëzimit të shtatores së ish-diktatorit Enver Hoxha”, sot shqiptarët nuk kanë në shesh bustin e Enverit, por shtatoren e gjallë të diktatorit, Edi Rama.”

Pas fjalimit të Berishës, një pjesë e protestuesve u përplasën me forcat e policisë së rreshtuara përballë ndërtesës së Kryeministrisë.

Ata hodhën tymuese dhe koketje motolovi dhe rrëzuan mburojën metalike të vendosur mes protestuesve dhe policisë.

Situata e tensionuar zgjati disa minuta dhe me ndërhyrjen e policisë dhe Forcave të Ndërhyrjes së Shpejtë, gjendja u qetësua dhe protestuesit u shpërndanë.

Kësaj proteste iu bashkua edhe Gazmend Bardhi dhe deputetët që e mbështesin atë, një grupim brenda Partisë Demokratike.

Ky fraksion i është bashkuar pak ditë më parë grupimit “Berisha” edhe në mbledhje të përbashkëta, por edhe në protestat që mbahen çdo pasdite pranë banesës së Sali Berishës.

Ndërkaq, protestës nuk i janë bashkuar as përfaqësuesit e asaj që njihet si Partia Demokratike zyrtare./REL

Rreth 1.000 forca të policisë mbikëqyrën protestën. Ndërkohë derisa po vazhdonte protesta, kryeministri Edi Rama po qëndron në Turqi. /REL

TË FUNDIT

ME TE LEXUARA

LEXO MË SHUMË

FB_IMG_1713533454518

VLEN takon mërgatën shqiptare në Berlin dhe Cyrih

IMG_1268

Anketa e CRPC: VMRO-DPMNE në avantazh para LSDM-së, VLEN para Frontit Evropian, ja si janë me deputetë?

boki-649x430

Boki 13: Kam kërcënime nga politikanët aktualë nga pushteti! Zoran Zaev është gjithçka, vetëm jo njeri që e mbron ligjin

kurti mediat

Ushtrimet serbe në kufi, Kurti: Serbia paraqet kërcenim për Kosovën

kandidatet president maqedoni zgjedhjet

Anketa e CRPC: Davkova para Pendarovskit, Taravari dhe Osmani në një garë të ngushtë! (TABELA)

taravari kurti

Arben Taravari dhe Kryeministri Albin Kurti vizitojnë Zvicrën

stevo pendarovski

Pendarovski premton Veting për politikanët, gjyqtarët dhe prokurorët

KSHZ-Komisioni

17 parti në garë zgjedhore për deputetë

arben taravari

Taravari: Përmes grandeve për teknologji dhe inovacion do të mbështesim të rinjtë

INFO

NA NDIQ