Trupat ruse që janë kapur nga forcat ukrainase i kanë kërkuar popullit të tyre që të ngrihet kundër presidentit Vladmir Putin, teksa i thonë botës se shokët e tyre po hidhen në varre masive, raporton Dailymail transmeton “Bota sot”.
Një grup ushtarësh rusë folën kundër qeverisë së tyre gjatë një konference për shtyp me agjencinë e lajmeve Interfax-Ukraine, duke u thënë bashkëqytetarëve të mos i ‘shikojnë si “zombi” (përbindësha).
Alexei Zheleznyak, Mustafaev Mugsad, Igor Rudenko, Alexander Fomenko dhe të tjerë gati sa nuk qanë ndërsa folën në konferencën për shtyp për kundërshtimin e tyre ndaj pushtimit rus, sipas The Mirror.
Zheleznyak, një ushtar i brigadës së 34-të i pushkëve të motorizuara i vendosur në Republikën Karachay-Cherkess të Rusisë, tha në konferencë se kishte paralajmëruar Putinin se kurrë nuk do të ishte në gjendje të dërgonte trupa të mjaftueshme në Ukrainë për të marrë kontrollin.
Ai shtoi se Putini “është një gënjeshtar dhe një mashtrues i të gjithë popullit tonë”.
“Putini, pa shpallur luftë, po bombardon banorët, spitalet, qytetet e Ukrainës”, tha ai, sipas përkthimeve të konferencës.
“Njerëz të Rusisë, mos i shikoni zombitë. Populli ukrainas është një popull trim. Ata do ta ndalin këtë pajisje (ruse) edhe pa armë. Ata janë të bashkuar.
“Sado që Putini të dërgojë trupat e tij atje, ai nuk do ta pushtojë këtë territor… Komandanti ynë i përgjithshëm është gënjeshtar dhe mashtrues i gjithë popullit tonë.
Ai na mashtroi jo vetëm neve, por gjithë Rusinë. Ai thjesht na bëri fashistë.’ Z. Rudenko, sinjalizues i brigadës së veçantë të mbrojtjes bregdetare 126 të Federatës Ruse, tha se trupat ruse kishin humbur tashmë dhe se ushtria ukrainase do t’i ‘shkatërronte’ ato.
Ai pohoi se 15,000 ushtarë kanë vdekur tashmë në konfliktin, i cili filloi gati një muaj më parë. “Nëse ju (ushtria ruse) keni nderin që ju mbetet, mos i përsëritni gabimet e mia. Hiqni trupat, sepse Putini nuk ka nevojë për ne. As kufomat nuk i merr. Ata janë hedhur në varreza masive. Është e vështirë të gjenden”, theksoi ai.
Pushtimi i Rusisë tani po kalon javën e tretë me humbje të mëdha për Moskën, duke bërë që SHBA-të paralajmërojnë se Putini do të përdorë gjithnjë e më shumë kërcënimet bërthamore në mënyrë që të mbajë Perëndimin jashtë konfliktit, sepse ai nuk do të jetë më në gjendje të mbështetet në forcën e forcat e tij konvencionale – të cilat do të dobësohen në luftime.
