Në fillimet e pandemisë në hyrje të fshatit Nikushtak të Kumanovës u vendos një punkt i policisë. U vendos dhe kurr më nuk u largua, siç ndodhi në vendbanimet tjera, njofton agjencia e lajmeve INA.
Banorët e kësaj ane thonë se, natë e ditë aty qëndron një veturë e policisë. E kjo dëshmohet edhe përmes fotos së dërguar.
” Edhe pse nuk është ndonjë gjendje e jashtëzakonshme apo gjendje lufte, punkti i policisë është aty dhe bën kontrolle rutinore për 24 orë. Në fillim ishte vendosur çkaku i kontrolleve reth pandemisë në orët policore, por tani nuk e dijmë pse akoma qne dron aty. Kjo i shqetëson banorët”, shprehet një banor i kësaj ane.
Të njëjtin mendim ndajnë edhe disa bashkëfshatarë të tij.
Por nga MPB kjo pikë kontrolli ishte vendosur që në kohën e fluksit të madh të emigrantëve ilegal, pasi që ky destinacion shfrytëzohej për trafikimin e tyre. Nga MPB nuk dihet se kur do të bëhet heqja e tij, apo do të vazhdoj të qëndrojë. (INA)
