Punonjësit e çerdheve në Strugë dalin në protestë, kërkojnë paga prej 20 mijë denarësh

ina-online
ina-online

01/02/2024

Në kohën kur mijëra euro shpenzohen për punë joproduktive, makina të shtrenjta, dreka dhe darka nëpër restorante, njëzet e një përkëdhelëse dhe edukatore nga çerdhja e Strugës paguhen vetëm 10 mijë denarë në muaj, pa sigurim shëndetësor dhe pensional. Nga sot u hodhën në grevë. Nuk do të punojnë derisa të zgjidhet statusi i tyre. Komuna nuk ka gjetur zgjidhje për problemin që daton prej vitesh, përcjell Alsat.

“Në çerdhen e Strugës sot kanë ardhur vetëm një numër i vogël i fëmijëve. Ata që shkojnë në punë, pra punonjësit që kanë vendim, na kanë thënë se numri i fëmijëve në grup sot është shumë i vogël”, raporton Miki Trajkovski-gazetar.

Prindërit kërkojnë zgjidhjen e problemit nga komuna, pasi nuk ka kush të kujdeset për fëmijët e tyre.

“Statusi i tyre duhet të zgjidhet, sepse ne si prindër jemi të detyruar t’i sjellim fëmijët këtu, nuk ka ku t’i çojmë”, u shpreh një prind.

Nga Sindikata e punonjësve i bëjnë thirrje kryetarit Ramiz Merko për të zgjidhur problemin. Ata thonë se i japin mbështetje të plotë kolegeve të tyre.

“I bëjmë thirrje komunës dhe ministrive kompetente që sa më shpejt të zgjidhet problemi, sepse ka nevojë reale që të zgjidhet statusi i punës së kolegeve të punësuar përkohësisht. Kemi shumë fëmijë, grupe të mëdha dhe staf të pamjaftueshëm. Kopshti nuk mund të funksionojë në të ardhmen”, tha Milka Dolinska-kryetare e Sindikatës.

Përkëdhelëset thonë se do të kthehen në punë nëse paga e tyre rritet në 20 mijë denarë. Përkundrazi thonë se nuk do të kthehen. Në çerdhen e Strugës janë të regjistruar 500 fëmijë dhe po aq janë në listën e pritjes. /Alsat.mk

TË FUNDIT

ME TE LEXUARA

LEXO MË SHUMË

dokumente pasaporta

Qytetarët e Shkupit mund të kontrollojnë online nëse pasaporta e tyre është gati

Talat Xhaferi

Xhaferi në Samitin e Investimeve për Ballkanin Perëndimor të BERZH-it

Izet Mexhiti

Mexhiti mesazh Grubit: S’jemi derivat i Dik Martit dhe shtëpive të verdha

Taravari Gostivar

Halil Snopçe u caktua kryetar i shtabit zgjedhor të degës së ASH në Gostivar

Arben Taravari3

Taravari: Maqedonia një herë ka zgjedhur president në Kuvend, pse mos ta bëjmë sërish!

bdi kryesia

BDI e vetme apo bashkë Selën në zgjedhje, në lojë edhe emra tjerë?!

levizja-besa

Lëvizja BESA zgjodhi shefin e shtabit zgjedhor (FOTO)

fatmirbytiqi

Bytyqi: Kjo qeveri është treguar me vepra e jo me fjalë

demiri-750x430-1

Ministri i Shëndetësisë për REL – Demiri: Nëse jam ministër pas zgjedhjeve kam plan për klinikat

INFO

NA NDIQ