Punonjësit e Fondit për sigurim shëndetësor prej sot në grevë, do të pranojnë vetëm rastet urgjente

INA
INA

05/02/2024

Punonjësit në njësitë rajonale të Fondit të sigurimeve shëndetësore do të dalin në grevë nga dita e sotme. Ata do të bëjnë vetëm detyrat e nevojshme, si regjistrimi i të miturve si anëtar sigurimi, rregullimi i sigurimit për persona të shtruar në spital dhe trajtimi jashtë vendit për raste urgjente.

Siç informojnë nga organizata sindikale e Sindikatës së punonjësve të administratës, organeve gjyqësore dhe shoqatave qytetare pranë Fondit të Sigurimeve Shëndetësore (FSSH), në njësitë rajonale për pranimin e dokumenteve do të jetë vetëm një punonjës.

“Njëkohësisht duam të falënderojmë qytetarët dhe mjekët e shëndetësisë publike dhe private për mbështetjen dhe mirëkuptimin e mëparshëm, të cilët mbështesin punonjësit në kërkesat e tyre dhe janë në krah të punonjësve të FSSH-së dhe e kuptojnë problemin e tyre me pagat”, thonë nga Sindikata pranë FSSH-së.

Javën e kaluar, punonjës të FSSH-së u mblodhën para ambienteve të Fondit, duke shprehur pakënaqësi për uljen e mundshme të pagave.

“Nga 9 janari, me rekomandim të Qeverisë, siç është paraparë, kërkohet ulje prej 21 për qind. Edhe pse Qeveria e rekomandon si përshtatje sipas buxhetit të miratuar, sipas përllogaritjeve të shërbimeve të ekspertëve, kjo do të thotë që të gjithë punëtorëve t’u ulen pagat për 21 për qind”, tha atëherë kryetari i Organizatës Sindikale të FSSH-së, Branko Axhigogov.

Sipas sindikatës, vendimi do të prekë 831 punonjës të FSSH-së dhe nëse do të ketë ulje të pagave, 25 për qind do të marrin paga nën pagën minimale dhe 25 për qind do të marrin pagë minimale.

Më pas Ministria e Financave sqaroi se nuk bëhet fjalë për ulje të pagave të punonjësve të FSSH-së, por po tentohet të rriten sërish, gjë që do të ketë implikime fiskale në buxhetin e Fondit.

Pagat në FSSH gjatë vitit 2023, siç bëjnë me dije nga Ministria e Financave, janë rritur disa herë, përkatësisht 2100 denarë ose rreth shtatë për qind në mars 2023 me respektimin e pagës minimale, rritje prej 2,5 për qind në janar 2023 dhe 3,5 për qind në gusht 2023.

TË FUNDIT

ME TE LEXUARA

LEXO MË SHUMË

Bujar Osmani

Instituti “Arben Xhaferi”: Bujar Osmani ka shkelur ligjin shtatë herë radhazi brenda një viti duke i mbajtur të fshehura shpenzimet e tij si Ministër i jashtëm

Kamionet-1-520x360-1

Pasaporta më shpejt për shoferët e kamionëve dhe autobusëve

Qeveria talat xhaferi

Qeveria konstatoi dhe miratoi tekstin e Strategjisë kombëtare për zhvillim 2024-2044

naim-bajrami

Krahu i Selës i ASH-së vetë apo koalicionim për zgjedhjet, flet Bajrami

Ageler

Ageler: Diskursi i fushatës të fokusohet në çështje esenciale, jo në sulme personale

IMG_9337

Banorët e nisin vetë shkollën shqipe në Nerovë të Krushevës

Arben Taravari

Taravari: Faliminderit, në një kohë rekord nënshkruat për kandidaturën time për President!

urim etemi bilall kasami

Kasami prezanton prurjen e radhës në Lëvizjen BESA

lsdm mitrevski kovacevski zecevic kryesia

LSDM dorëzon në Kuvend propozim-ligjin kundër rritjes së pagave për funksionarët

INFO

NA NDIQ