Kryeministri Dimitar Kovaçevski theksoi për ‘360 shkallë’ në Alsat se të gjitha kërkesat e kreut të VMRO-DPMNE, Mickoski janë të plotësuara sa i përket ndryshimeve kushtetuese, përfshirë edhe kushtin Qeveri pa BDI.
“Të gjitha propozimet që kishte VMRO-DPMNE u pranuan, madje edhe propozimin që kishin për Qeveri pa BDI-në, dhe siç kemi parë BDI-ja e pranoi këtë me njoftimin e tyre. Pra, të gjitha kërkesat janë plotësuar”, thotë Kovaçevski, përcjell INA.
Sipas tij, nuk ka ndonjë dallim mes asaj që tha BDI se është e gatshme të mos jetë në Qeveri, por pasi të votohen dhe të hyjnë në fuqi ndryshimet kushtetuese, dhe kushti i VMRO-DPMNE-së është që të votojë amendamentet kushtetuese, por hyrja në fuqi të shtyhet deri në hyrjen e vendit në BE”, theksoi Kovaçevski, duke shtuar se këto qëndrime do shpalosen në mbledhjen e kryesisë.(INA)
