Kryeministri Hristijan Mickoski i ka thënë JO propozimit të kreut të LSDM, Venko Filipçe për takim liderësh.
“Nëse ka diçka për të më thënë, unë jam gjithmonë i hapur për ta dëgjuar atë”, deklaroi Mickoski.
Filipçe propozoi takimin për të diskutuar për situatën në Koçan dhe hetimet që po udhëhiqen.
Por, Mickoski, kjo është një temë shumë serioze dhe nuk është mirë të diskutohet përmes mediave.
“Nuk e di se çfarë do të bënim në takimin e liderëve kur institucionet po punojnë në mënyrë të përkryer, do të ishte vetëm humbje kohe”, theksoi dje kryetari i Aleancës për Shqiptarët (ASH) dhe ministër i Shëndetësisë, Arben Taravari, në lidhje me propozimin e kryetarit të LSDM-së, Venko Filipçe.
“Ne jemi të interesuar të zgjidhen problemet që kemi si institucione, punojmë pa u lodhur çdo ditë dhe kjo do të ishte thjesht humbje kohe. Konsiderojmë se ka institucione që funksionojnë, se nuk është momenti dhe nuk e di se çfarë do të bënim në takimin e liderëve kur institucionet po punojnë në mëynrë të përkryer edhe për shëndetin e këtyre njerëzve dhe për mjekimin, por edhe për të gjetur fajtorët e këtij rasti, si dhe të tjerëve, duke qenë se ky është rasti i katërt në pesë vjet”, theksoi Taravari.
Partia opozitare BDI kërkoi që Komisioni Europian të dërgojë ekspertë juridikë për të hetuar tragjedinë e Koçanit si dhe formimin e një komisioni hetimor parlamentar.(INA)
