Qeveria e Maqedonisë informon se përmes Ministrisë së Arsimit dhe Shkencës, për vitin shkollor 2025/2026 do të ndahen numri më i madh i bursave për arsimin dual deri më tani, përkatësisht 1570 bursa për nxënësit që do të regjistrohen në paralelet duale në shkollat e mesme profesionale.
“Fakti që po investojmë në arsimin dual dhe i stimulojmë edhe kompanitë për përfshirje më të madhe të tyre, tregon edhe ajo që mbi 550 kompani këtë vit do të jenë të përfshira drejtpërdrejt në trajnimin praktik të nxënësve që do të regjistrohen në paralelet duale. Njëkohësisht, kjo do të thotë se nxënësit, pas përfundimit të shkollës së mesme profesionale, do të kenë më shumë mundësi për punësim të shpejtë, kryesisht në kompanitë ku kanë ndjekur praktikën, ose të vazhdojnë arsimin në ndonjë nga universitetet e vendit. Prioriteti ynë është të rrisim punësimin e të rinjve dhe të krijojmë kuadro të kualifikuar me aftësi dhe kompetenca që u nevojiten kompanive dhe në këtë mënyrë do të mundësojmë që të rinjtë ta ndërtojnë të ardhmen e tyre në vendin e vet. Investimi në arsim do të thotë investim në të ardhmen dhe në perspektivën për zhvillimin e Maqedonisë”, thekson Qeveria.
