26.11.2024 16:51
Qeveria sot në seancë me dyer të mbyllura miratoi çmimin e ri me të cilin ESM do t’ia shesë rrymën EVN Home dhe është i dedikuar për amvisëri. Ky vendim varet më së shumti se çfarë faturash do të kenë qytetarët nga janari.
Tani një megavat orë në Elektrani është 60 euro. Qeveria ka përsëritur disa herë se nuk do të ketë rritje të madhe, se do të ishte deri në tre për qind. Domethënë, çmimi i ESM do të sillet ndërmjet 58 dhe 62 euro. Por se çfarë vendimi është marrë sot, do të dihet të enjten kur ESM do të dorëzojë ofertën e re në tenderin e furnizuesit universal EVN Home.
Në seancën e sotme me dyer të mbyllura është marrë vendim për çmimin me të cilin ESM do t’ia shesë rrymën Elektrodistribucës për të mbuluar humbjet. Ndërkohë, rregullatori duhet të marrë një vendim se sa do të kushtojë transmetimi dhe shpërndarja. Çmimi i ri i energjisë elektrike duhet të miratohet deri në fund të vitit dhe të jetë i vlefshëm nga 1 janari.
