Bekim Qoku, Këshilltari i kryeministrit të Kosovës, Albin Kurti ka shkruar lidhur me seancën e sotme gjyqësore përballë kreut të komunës së Strugës, Ramiz Merko, i cili i ngriti padi.
“Mbaroi seanca e parë. Ramiz Merko është në situatën lose-lose, humbës në çdo rast, si nëse fiton ashtu edhe nëse e humbet procesin gjyqësor kundër meje.
Nëse e fiton këtë proces gjyqësor, edhe pasi u shpall njeri Non grata bashkë me familjen e tij nga DASH për korrupsion madhor dhe ndërhyrje në gjyqësor, do të dëshmoheshin akuzat e DASH, si dhe do të konfirmoheshin perceptimet e besueshmërisë qytetare për drejtësinë e MV që është vetëm 2%.
Nëse e humbet procesin gjyqësor, do të konfirmohej, nga ana tjetër, pretendimi im kur i them që ai është i korruptuar.
Thjesht, pas ndërhyrjes së Departamentit Amerikan të Shtetit në këtë rast, çfarëdo që të them unë lidhur me abuzimet e pushtetit të z. Ramiz Merko, me korrupsionin madhor që kryen, vetëm mund ta prishja.
Riçard Nefju, përfaqësuesi i DASH, për rastin e Ramiz Merkos deklaroi: “Sekretari i Shtetit ka informacione të besueshme që tregojnë përfshirje në korrupsiuon madhor të z. Merko. Nga ana ligjore ne veprojmë kur kemi informacione.”
Një nga pikët që unë e shoh të rëndësishme në deklaratën e z. Nefju, është kur thotë se “Një pjesë e arsyes pas veprimeve tona është të mbështesim shoqërinë civile, të mbështesim ata që kërkojnë t’i mbajnë përgjegjës individët e korruptuar.”
Këtë kam bërë unë. Jam inkurajuar nga DASH për të denoncuar abuzuesit e pushtetit. Të korruptuarit.
……….
Interesant është një nga deklarimet e z. Merko në gjykatë, që ishin kryesisht kërcënuese dhe ofenduese ndaj meje:
“Herës tjetër ta marrë Albin Kurtin këtu në gjykatë.” Këtë ai i tha gjykatëses maqedonase, për t’i thënë që i padituri, pra unë, kam lidhje me qeverinë dhe kryeministrin e Kosovës dhe prandaj jam i keqi në këtë mes, ndërsa ai është i mirë, njeriu i tyre, i gjykatës. Kjo edhe sepse unë flisja shqip në gjykatë, kurse ai maqedonisht”, theksoi Qoku.(INA)
