Mishi po vendoset gjithnjë e më rrallë nëpër tryezat e qytetarëve. Rritja e çmimit dhe kostos së jetesës në përgjithësi, bën që qytetarët ta shohin këtë ushqim si një luks për ta.
Ekipi i televizionit Alsat vizitoi disa pika të shitjes së mishit, shitësit nuk u prononcuan, por blerësit thonë se konsumimin e mishit e kanë ulur madje edhe deri në 70 për qind.
“Kemi ble para ramazanit 10 kilogram edhe më shumë nuk ka pare, me një pension 12 mijë denarë nuk ka pare më shumë. Mezi i’a dalim… Nuk është në rregull se shumë shtrenjtë është, 600 denarë- 700 denarë kilogrami shumë shtrenjt”, thotë një qytetar për Alsat.
Me vendim të Qeverisa çmimet e disa produkteve ushqimore bazë u ngrinë, por në këtë listë nuk bënte pjesë mishi.
