Ministria e Jashtme e Maqedonisë së Veriut ka bërë thirrje që qytetarët e saj të largohen sa më shpejt nga Ukraina.
“Të gjithë qytetarët e Maqedonisë së Veriut që planifikojnë të vizitojnë Ukrainën në periudhën e ardhshme, të shmangin udhëtimin në këtë vend. Përveç kësaj, të gjithë qytetarët tanë që janë tani në Ukrainë, nëse kanë mundësi, të largohen nga vendi sa më shpejt të jetë e mundur”, tha Ministria e Punëve të Jashtme, përcjell INA.
Edhe Departamenti Amerikan i Shtetit ka lëshuar një paralajmërim të ri sigurie duke u kërkuar qytetarëve amerikanë të largohen menjëherë nga Ukraina. Presidenti Vladimir Putin vazhdon të thotë se Rusia “nuk ka plane për të pushtuar Ukrainën”. Për Shtetet e Bashkuara, situata në Ukrainë është shqetësuese. (INA)
