Kryeministri Edi Rama ka deklaruar ditën e sotme se është i vetmi lider shqiptar që ka udhëheqësit e BE-së në celularin e tij.
Teksa po u përgjigjej pyetjeve të komentuesve në rrjete sociale, Rama tha se kjo sipas tij është një histori për libra dhe nuk mund të tregohet për sa kohë ai është në detyrë.
Sipas Ramës, për shkak të këtyre raporteve personale, raporteve institucionale dhe raporteve ndërqeveritare të krijuara gjatë qeverisjes së tij me BE-në, PS duhet të marrë një mandate të fortë në 11 maj, për ta çuar para procesin e integrimit.
Rama: Interesi i Shqipërisë është para tifozllëkut partiak. Edi Rama është sot kryeministër dhe unë e PS e garantojmë që mbyllim negociatat dhe hyjmë në BE, për të gjitha nivelet që kemi arritur të kemi në raportin me Europën. Që nga nivelet shtetërore, te nivelet qeveritare, tek ato institucionale dhe personale. Nuk ka pasur asnjë udhëheqës Shqipëria që udhëheqësit e tjerë të Europës t’i ketë në celularin e vet. Por kjo është një histori për libra, nuk është histori për t’u treguar sot që unë jam në detyrë.
