Kryeministri i Shqipërisë Edi Rama thotë se është shumë i kënaqur që lidershipi i Kosovës më në fund bëri thirrjen e duhur në takimin e djeshëm në Bruksel.
Sipas Ramës, është koha që edhe Serbia të bëjë të njëjtën gjë. Kjo sepse sipas tij, çdo gjë që është pranuar dhe rënë dakord duhet të zbatohet pa asnjë vonesë.
“Bëj paqe, për hir të Zotit, dhe vazhdo”, është thirrja e Ramës në X.
Kryeministri shqiptar thotë se është bërë mjaft me të njëjtat gërmadha të vjetra dhe të rrezikshme shmangien e paqes dhe kënaqjen me fantazmat e së kaluarës për hir të politikës së brendshme të imët.
The wise Albanian people, and not only them, by the way, say "better later than never." I can't hide my satisfaction that Kosova's leadership finally made the right call in yesterday's Brussels meeting! Kosova is in a much better place today by wisely accepting the EU proposal on…
— Edi Rama (@ediramaal) October 27, 2023
“Populli i mençur shqiptar dhe jo vetëm ai, meqë ra fjala, thotë “më mirë vonë se kurrë”. Nuk mund ta fsheh kënaqësinë që lidershipi i Kosovës më në fund bëri thirrjen e duhur në takimin e djeshëm në Bruksel. Kosova është në një vend shumë më të mirë sot duke pranuar me mençuri propozimin e BE-së më 21 tetor – një hap shumë domethënës përpara”, ka shkruar Rama në platformën X, duke ftuar edhe Serbinë që ta bëjë të njëjtën gjë sic bëri Kosova dje.
“Është koha që edhe Serbia të bëjë të njëjtën gjë. Çdo gjë që është pranuar dhe rënë dakord duhet të zbatohet pa asnjë vonesë. Unë u bëj thirrje partnerëve tanë perëndimorë që të ruajnë këtë vrull dhe të shtyjnë përpara drejt një përparimi përfundimtar”
Rama thotë se është bërë mjaft me shikimin e gishtit ndërsa gishti tregon hënën.
“Mjaft me të njëjtat gërmadha të vjetra dhe të rrezikshme. Mjaft me shmangien e paqes dhe kënaqjen me fantazmat e së kaluarës për hir të politikës së brendshme të imët. Shikoni se çfarë ndodh me ata që shmangin paqen dhe përfshihen në lojëra me shumën zero. Ne kemi nevojë për paqe, stabilitet dhe bashkëpunim në fqinjësinë tonë. Bëj paqe, për hir të Zotit, dhe vazhdo”.
