Rama thotë se Kurti “në një farë mënyre” është pajtuar t’ua kthejë të hyrat që ua mori komunave

INA
INA

17 Maj, 2023

Kryetari i Prishtinës, Përparim Rama, tha se në takimin koordinues e mbajtur të hënë ndërmjet kryeministrit Albin Kurti dhe kryetarëve të​ Komunave, në njëfarë mënyre janë dakorduar që të hyrat vetanake të i’u kthehen komunave.

Ai tha se të hyrat vetanake me ligj i takojnë komunave që t’i përdorin në të mirë të qytetarëve dhe se ato nuk mund që të tjetërsohen.

Madje ai thotë se do ta luftojnë çdo tentim që mjetet të u merren, duke shtuar se kjo formë është jo ligjore.

“Mendoj që të hyrat vetanake me ligj faktikisht i takojnë komunave, pra të hyrat vetanake të kryeqytetit janë të kryeqytetit janë të qytetarëve të kryeqytetit edhe nuk munden që të tjetërsohen ato. Çdo tentim normal që është jo ligjor edhe ne do ta luftojmë çdo tentim. Patëm një takim të mirëfillte edhe me kryeministrin edhe me ministrin e Financave ku edhe në një farë mënyre u dakorduan që të hyrat vetanake të i’u kthehen, të lejohen për përdorim për projekte të cilat janë duke pritur për të mirën e kryeqytetit”.

“Shpresoj që kjo çështje do të marr fund për të mirën e qytetarëve dhe të gjitha komunave po shpresoj për brenda javës do t’i kemi ato të hyra vetanake që t’i përdorim për projekte të shumta të cilat i pret kryeqyteti edhe qytetarët këtu. Jam optimist që këtë çështje e kemi zgjedhur”, tha ai.

Ai shtoi se për këtë çështje Asociacioni i Komunave të Kosovës, i është drejtuar Qeverisë më një letër, duke pohuar që pritet që të lehtësohet procesi i bartjes së mjeteve të komunave, raporton EO.

“Tash e kanë kërkuar një letër të cilën unë personalisht, ne si kryeqytet i kemi dërguar para dy javësh tash po e kërkojnë një letër tjetër prej Asociacionit të Komunave të Kosovës, edhe atë e kemi dërguar, i kemi kërkuar Asociacionit që ta dërgojë. Besoj që do të shlirohet procesi i bartjes së mjeteve te komunat përkatëse”, tha ai.

Me Projektligjin e Buxhetit për vitin 2023 Qeveria ka paraparë që nëse të hyrat vetanake të një komune nuk shpenzohen gjatë një viti, ato do t’i merren dhe t’i dhurohen komunave tjera ose të përdoren në nivelin qendror.

ME TE LEXUARA

LEXO MË SHUMË

vucic erdogan

Vuçiqi i lutet Erdoganit që t’i ndihmojë rreth situatës në Kosovë

ramush haradinaj

AAK e Haradinajt inicon mocion votëbesimi për Qeverine Kurti

veriu i kosoves policia kosoves

Sulmohet një mjet i Policisë së Kosovës në Zveçan

kfor rakiq

VIDEO/Ushtari i KFOR-it ia numëron Rakiqit dhunën e serbëve: S’lejojmë të përsëritet më

gazetaret veri sulm

Sulmohen gazetarët në Zveçan, goditet fizikisht gazetari i RTV21 (VIDEO)

veteran serb

Veteranët serb nga Beogradi si tentuan të futeshin në Leposaviq (FOTO)

osmani-kurti-makron-macron

Macron: Autoritetet e Kosovës mbajnë përgjegjësi për trazirat që janë rritur ndjeshëm

Kristofer-Hill

Hill: Prishtina do t’i bartë pasojat sepse nuk i dëgjoi këshillat e SHBA-së

Albin-Kurti-5

Kurti: I brengosur, por jo i frikësuar nga sanksionet e SHBA-së

INFO

NA NDIQ