Kryeministri Edi Rama qëndroi sot në Kavajë, me qëllim shpalosjen e reformës së re të qeverisë për rritjen e pagave për ta bërë tregun më tërheqës dhe krahun e punës më të mirëpaguar kudo në vend.
Nga Kavaja ai u ndal dhe në zhvillimet politike duke përshkruar karrierën e tij në vite.
… përtej shakasë, duhen disa njerëz gjysmë anormalë për të bërë disa gjëra që të tjerët as i shkon mendja për t’i bërë…”, tha ai duke iu referuar një biznesmeni që financon një ekip futbolli vendas, dikur goxha i fortë.
Duke kthyer sytë nga vetja, Rama tha: “Edhe unë, për mua thonë që kam dy [dërrasa mangët], por unë aty tek 1 dërrasë rri. Se më kujtohet kur kandidova herën e parë, dilte njëri, shkrimtar i madh shumë dhe thoshte “mos ia jepni votën atij se ai nuk është njeri normal” dhe unë thoja “Po ka njeri normal që do të bëhet kryetar bashkie i kësaj Tiranë që keni bë ju?” Jo. Ka shans që një njeri normal tua rregullojë këtë Tironë? Jo. Po provojeni njëherë një njeri anormal. Edhe nuk u doli keq.”
Në axhendën e sotme të Kavajës, Rama shkëmbeu dhe batuta me gomerë e dru:
“Nuk do ta shohësh me sy Edi Ramën? Më e thjeshta në botë, është më e thjeshta në botë. Fik televizorin! Nuk e sheh dot më lalin se të del ditë, natë në televizor? Thyeje televizorin. Se me këtë jeni rehat se ky s’del as në televizor.
Po ama të shkosh për të ngarkuar dru dhe të kesh alamet gomerësh këtu si puna jonë dhe të marrësh qen që të ngarkosh drutë, kjo s’bën vaki se qeni nuk ngarkon dot dru. Dhe në vend se të ngarkosh drutë edhe të hash ndonjë kafshim pastaj.
