Sekretari gjeneral i ASH-së, Blerand Ramadani ka folur për procesin e selisë dhe vulave të partisë.
Ramadani deklaroi se presin që drejtësia të japë epilogun e vërtetë.
“Besojmë që drejtësia do ta japë epilogun e vërtetë. Mirëpo ne edhe më herët e kemi thënë, edhe kryetari ynë, doktor Arben Taravari e ka thënë disa herë se partinë nuk e përbëjnë as selia e as vulat, por partinë e përbëjnë anëtarësia”, tha Ramadani dhe ka bërë të ditur se ASh sapo ka përfunduar procesin e riorganizimit të strukturave.
Në këtë proces, siç tha Ramadani, e mira është se janë duke “u kthyer shokët e vjetër”.
