Rangnick nuk e konsideron Ronaldon përgjegjës për dështimet e United

Ralf Rangnick nuk e konsideron Cristiano Ronaldon përgjegjës për dështimet e Manchester United.

Manchester United kanë kaluar në një periudhë aspak të mirë këtë sezon.
Ata kanë mbetur jashtë Ligës së Kampionëve, kështu duke rrezikuar dhe vendin për në Evropa Ligë.

E dështimi i ‘Djajve të Kuq’ nuk duhet t`i adresohet yllit portugez, Cristiano Ronaldo tha trajneri i përkohshëm i tyre.

“Cristiano shënoi disa gola dhe nuk po e fajësoj fare, ai bëri shkëlqyeshëm në ato ndeshje, por ai nuk mund të bënte më shumë”, ishin fjalët e Rangnick përcjell lajmi.net.

Sipas trajnerit ata mund të bënin më mirë gjatë këtij sezoni.

“Unë jam ai që jam më i zhgënjyer për këtë dhe i frustruar për këtë. Në një fazë ne thjesht duhej të gjenim kompromise – duke sulmuar pak më thellë”, vazhdoi gjermani.

United tashmë kanë emëruar trajnerin e tyre të ri, holandezin Erik ten Gag, ndërsa Ralf Rangnick do të marrë drejtimin e Austrisë.