Në seancën e sotme gjyqësore për rastin e vrasjes së Vanja Gjorçevskës dhe Pançe Zhezhovskit, mbrojtja e të akuzuarve Velibor Manev, Bore Videvski, Vllatko Keshishev dhe Aleksandar Gjorçevski kërkoi aktgjykim lirues për klientët e tyre.
Avokati i Aleksandar Gjorçevskit, Vlladimir Tufegxhiq, në fjalën përfundimtare theksoi se akuza ndaj babait të Vanjës është e pabazë, e përgjithshme dhe e ndërtuar mbi supozime të paprovuara nga Prokuroria.
Ndërkohë, Prokuroria Themelore ka kërkuar burgim të përjetshëm për Lupço Palevskin, Keshishevin, Videvskin dhe Manevin, ndërsa për Gjorçevskin ka kërkuar një dënim me burg, pa specifikuar kohëzgjatjen.
Procesi gjyqësor do të vazhdojë më 20 qershor, kur pritet fjala përfundimtare e Palevskit dhe mbrojtjes së tij.
