Ish i burgosuri nga Kumanova, mësuesi Agim Behluli reagon pas ligjit për shpëtimin e të korruptuarve!
“Kurrë askujt nuk do t’ ia fali vuajtet e mia dhe të prindërve të mi…! Kurrë askujt nuk do t’ ia fali shtatë vitet burg që i mbajta pa asnjë pikë faji…! Kurrë askujt nuk do t’ ia fali ato vite dhe atë kohë të humbur, vetëm pse deshi dikush të m’ i humbë…! Kurrë askujt nuk do t’ ia fali vdekjen e dy prindërve të mi derisa isha në burg e që nuk arrita asnjë grusht dhé mbi ta, ta hedh…!
Kurrë, ama kurrë nuk do t’ ia fali asnjë politikanit me peshë, as maqedonit, por as shqiptarit, që më lanë pamëshirshëm të mbaj një burg të pameritueshëm, duke e ditur të vërtetën…,më lanë terrorist nëpër sirtaret e arkivit të gjyqësisë!
Si është e mundur, duke i ditur fajësitë e plotë individëve (politikanë) t’ i amnestoni e ti falni për krimet e bëra! Po a nuk është turp? A po mendoni, si po ndjehem unë dhe plotë të pafajshëm që aktualisht janë në burg! Mosni more, mos na i thyeni zemrat ashtu të thyera që i kemi! Luftoni për ne që vuajtëm ( e që po vuajnë akoma) pafajësisht nëpër burgje, e lëreni ato (kriminelë) të mbajnë dënimin e merituar!
Me shpëtimin e tyre, neve po na i shtoni plagët…!”, shkruan Agim Behluli. (INA)
