Edicioni i djeshëm i “Click Plus” ka ngjallur reagime mes opozitës dhe pushtetit. Biseda me kreun e LD-së, Izet Mexhiti u shikua nga 6.400 persona në kohë reale (LIVE) në Facebook.
Në rrjetet sociale, eksponentë të Lëvizjes Demokratike kanë shpërndarë një bisedë ku pretendohet se zv/kryeministri Artan Grubi ka dhënë urdhër që të raportohen komentuesit, me qëllim që mos të arrihet shikueshmëri e lartë. Këtë e demantoi vetë Grubi, i cili akuzon opozitën se përmes fotoshopit po mundohen ta mashtrojnë popullin.
“Sa turp! Ska pikë burrnie mo. Tre vjet gënjeni çdo ditë, ndẽrsa ne, në këto tre vjet bëjmẽ punë sa ju as pẽr 30 vjet nuk i keni bëni dot dhe i keni mashtru njerẽzit. Analfabetizẽm, smirẽ, ligẽsi, poshtërsi, as edhe fotoshopin s’dijnë ta bëjnë. Dilni me projekte, propozoni ide, realizoni atë që e keni premtuar dhe bëni punën për të cilën jeni zgjedhur, lenì pallavrat me të cilat keni mbijetuar në skenën politike duke mashtruar njerëzit, duke ua uzurpuar jetën dhe duke marrë në qafë gjenerata të tëra. Hajde matemi me punë, se me dallavera, improvizime, mashtrime, vjedhje, më fitoni, ua pranoj! Inicialet e mia janẽ AG, jo AR, tregojuni se bëhen rezil në sytë e botës, lerë që gënjejnë”, ka shkruar Grubi./TV21
