Kylian Mbappe po raportohet se tashmë i ka komunikuar Paris Saint-Germainit se nuk do të vazhdojë kontratën e cila i skadon në fund të qershorit.
Eksperti i transferimeve, Fabrizio Romano, gjatë pasdites së të enjtes raportoi se Mbappe dhe PSG-ja do të ndajnë rrugët.
Romano tregoi që Real Madridi tashmë i ka dërguar propozim për pagë yllit francez, e cila do të jetë më e ulët se ajo që i ka propozuar në verën e vitit 2022 – dhe më e ulët se paga që e merr te parisienët.
Real dëshiron që Mbappe t’i bashkohet klubit në kushtet e tyre pasi ka kaluar vite në këtë sagë.
Tash e gjithë ujdia është në duart e sulmuesit francez, i cili ka oferta edhe nga klubet e Premier Leagues.
