Real Madridi raportohet se është duke monitoruar formën e Rasmus Hojlundit të Manchester Unitedit dhe të bëjë ofertë për të nëse dështon në transferimin e Kylian Mbappes nga PSG-ja apo Erling Haalandit nga Manchester City.
Klubi nga Madridi pritet ta transferojë Mbappen si lojtar të lirë gjatë verës, ani pse besohet se klubi i tij francez ende nuk i ka humbur të gjitha shpresat që ta bindë atë me kontratë luksoze.
Edhe e ardhmja e Haalandit është cak i spekulimeve dhe Madridi e ka përcjellë për një kohë të gjatë sulmuesin norvegjez, i cili besohet se dëshiron të luajë në Spanjë.
Sipas mediumit Defensa Central, nëse Reali dështon të transferojë Mbappen ose Haalandin, do të kthejë vëmendjen te Hojlundi.
Që prej transferimit të tij nga Atalanta, sulmuesi danez ka realizuar 11 gola dhe dy asistime në 29 paraqitje për Unitedin.
