Trajneri i Real Madridit, Carlo Ancelotti, ka nisur të mendojë për tregun e kësaj verë.
Strategu italian kërkon ta forcoj repartin sulmues për sezonin e ri të garave.
Sipas ‘90min’, madrilenët kanë nisur negociatat me Chelsean për sulmuesin Kai Havertz për të diskutuar mundësinë e transferimit në ‘Bernabeu’.
‘Galaktikët’ janë hedhur në sulm për të gjetur zëvendësuesin e Karim Benzemas, kontrata e të cilit i skadon në fund të sezonit.
Klubi ‘Merengues’ dhe asi francez akoma nuk kanë arritur akordin për kontratën e re, megjithëse, Benzema gjithnjë ka deklaruar se “dëshiron që karrierën ta mbyll në Madrid”.
Megjithatë, krerët e Realit do të provojnë që Havertz-in ta sjellin në ekip qysh gjatë kësaj verë.
