Ariani Xhaferi
Realiteti në Maqedoninë e Veriut:
– Viti shkollor fillon pa 34 % të librave për shkollat fillore.
– Personeli mjeksor akuzohet se u ka vjedhur ilaçet të sëmurëve me kancer.
– Qeveria propozon ligj për zvoglimin e dënimit me burg për zyrtarët që keqpërdorin postet.
(via Nazim Rashidi)
1) Kompania që duhet të prodhojë librat shkollorë është njëkohësisht një nga donatorët më të mëdhenj të BDI-së. Nëse bëhet një hetim i mirëfilltë, i pavarur dhe i drejtë, do shohim cila parti në qeveri i ka hëngër paratë e librave të fëmijëve tanë.
2) Drejtori ekonomik i onkologjisë kuadër i BDI-së, përmendet nga mediat si personi që ka krijuar listën fiktive të pacientëve të rrejshëm me kancer. Paratë e ilaçeve të shitura në tregun e zi me siguri kanë përfunduar në arkën e ndonjë partie politike që është në pushtet… Ne vetëm mund të supozojmë se te cila parti kanë përfunduar.
3) Qeveria realisht propozon ligj për zvoglimin e dënimit me burg për qeveritarët, sepse e dinë që një ditë, ndonjëherë, në ndonjë rrethanë të çuditshme do gjinden përpara ndonjë drejtësie që mund t’i mbajë përgjegjës për krimet e bëra (ato më sipër e shumë të tjera), kështu që PSE JO!?
Nuk na pengon Bullgaria, Greqia, Serbia, Kosova, Shqipëria… pengesa më e madhe e Maqedonisë së Veriut në rrugën drejt integrimeve është pikërisht kriminaliteti i Qeverisë së Maqedonisë së Veriut në bashkëpunim me grupet mafioze në prokurori dhe gjykata…
